Park Cinema (Flame Towers) bir daha bir sıra film-sərgiləri ilə hər kəsi sevindrəcəkdir. Yeni format, böyük planlar və HD çəkilişlər sayəsində iştirakçılar dünyanın muzey zallarında özlərini hiss edəcəklər.

8 iyul tarixində "Renuar – tanınmayan rəssam" adlı film təqdim ediləcək.

Pyer-Ogüst Renuar Parisi təsvir etdiyi impressionist tabloları ilə tanınır və sevilir. Bu rəsmlər dünyanın ən dəyərli rəsm nümunələri arasında yer alır. Lakin Renuar vaxt keçdikcə bu üsluba vida edib rəsmlərinin istiqamətini dəyişib. Renuarın Barns fondunun Filadelfiyadakı kolleksiyasında yer alan 181 əsərinə həsr edilmiş bu maraqlı filmdə rəssamın həyatının son illərində yaradıcılığının aldığı istiqamət və bu günə qədər də onun izləyiciləri zidd rəylər bildirməyə vadar etməsinin səbəbi araşdırılır. Bəziləri Renuarın son əsərlərinə heyran olduqlarını, digərləri isə bu rəsmləri görmək belə istəmədiklərini bildirirlər. Çoxları üçün təəccüblüdür ki, Renuarın son əsərlərinə müraciət edən və onlardan dərindən təsirləndiklərini ifadə edən bir çox rəssam arasında XX əsrin iki nəhəngi – Pikasso və Matiss də var. Filmdə rəssamın bizim üçün yeni olan həyat hekayəsindən bəhs edilir. Üstəlik film Renuarın köhnə və yeni zaman arasında körpü rolu oynamasını nəzərdən keçirir

Seans:8 iyul 13:00

Yaş: 12+

İştirak haqqı: 9 AZN

Biletləri online və Park Cinema (Flame Towers) kassalarında əldə edə bilərsiniz.

Park Cinema əlaqə nömrəsi: +994 12 598-74-14