Müasir tibbdəki tendensiyalara həsr olunmuş dərslər silsiləsi. Bu gün həkimi mürəkkəb avadanlıqlar və dəqiq tədqiqatlar olmadan təsəvvür etmək mümkün deyil. Tərəqqiyə uyğunlaşmaq üçün texnoloji innovasiyaların insan həyatını necə xilas etdiyini öyrənəcək, diaqnostika və müalicənin əsas texnologiyalarını mənimsəyəcək, eyni zamanda yeni nəsil tədqiqatçı və novatorları formalaşdıran bacarıqları inkişaf etdirəcəyik.
4 DƏRS ƏRZİNDƏ ÖVLADINIZ:
1. Analitik düşüncəsini inkişaf etdirəcək: mürəkkəb tibbi məlumatları anlamağa çalışacaq və diaqnostikanın prinsiplərini öyrənəcək.
2. Diqqət konsentrasiyasını və incə motorikanı gücləndirəcək: özünü cərrah rolunda sınayacaq, mikrocerrahi alətlərlə işləməyi öyrənəcək və hətta əməliyyatlar aparmağı məşq edəcək.
3. Gələcəyin dilini mənimsəyəcək: artıq bu gün dünyanı dəyişən biotexnologiyalar, gen mühəndisliyi və tibbi robototexnika ilə tanış olacaq.
4. Əldə etdiyi bilikləri həyatında tətbiq edəcək: cərrahi müdaxiləyə ehtiyac qalmaması üçün nə vaxt həkimə müraciət etməli olduğunu anlayacaq.
DƏRS 1. FUNKSİONAL VƏ ŞÜA DİAQNOSTİKASI
Ürəyin quruluşunu öyrənəcək, onun fiziologiyasını və damar sistemini araşdıracağıq.
USM və rentgen kimi müayinə üsulları ilə tanış olacağıq. Həkimlərin infarkt və ürək tamponadası zamanı xəstələri necə xilas etdiyini öyrənəcəyik. Damarlarında qan axınının bərpası və ürək kisəsindən qanın çıxarılması üzrə əməliyyatı özümüz modelləşdirəcəyik.
DƏRS 2. ONKOLOGİYA
Hüceyrələrin həyat dövrü ilə tanış olacaq, mutasiyaların nə olduğunu və orqanizmin onlarla necə mübarizə apardığını öyrənəcəyik. Şiş hüceyrələrinin nə olduğunu araşdıracaq, histologiya və pozitron-emissiya tomoqrafiyası vasitəsilə onların necə aşkar edildiyini anlayacaq və maket üzərində şişin çıxarılmasını həyata keçirəcəyik.
DƏRS 3. LAPAROSKOPİYA VƏ ENDOSKOPİYA
Həkimlərin mikrocerrahi əməliyyatları necə həyata keçirdiyini öyrənəcəyik. Endoskopiya və laparoskopiya arasındakı fərqi anlayacaq, özümüzü angiocərrah rolunda sınayacaq və video nəzarəti ilə trombun çıxarılmasını yerinə yetirəcəyik.
DƏRS 4. GENETİK XƏSTƏLİKLƏR
Genlərin nə olduğunu, harada yerləşdiyini və həyatımıza necə təsir etdiyini öyrənəcəyik. Genetik xəstəliklər, onların diaqnostika və müalicə üsulları ilə tanış olacağıq. Anamnez məlumatları, simptomlar və laborator analizlərin nəticələrinə əsaslanaraq genetik xəstəliyi olan “pasiyentə” diaqnoz qoyacaq, genetik mutasiyalar üzrə analiz aparacaq və öz vaksinimizi yaradacağıq.
ÖVLADIMI NECƏ İNANDIRIM Kİ, ONA MARAQLI OLACAQ?
İnsan hələ bütün xəstəlikləri müalicə edə bilən nanorobotlar yaratmayıb və süni intellekt hələ cərrahi əməliyyatları tam yerinə yetirə bilmir. Lakin tibb daim inkişaf edir və həkimlər də bu inkişafla birlikdə yenilənir. Buna görə də bu gün tibbdə yüksək texnologiyaları anlamaq və mənimsəmək hər zamankindən daha vacibdir. Bəlkə də məhz sizin övladınız robot-cərrahın yaradıcısı olacaq və ən mürəkkəb əməliyyatları həyata keçirəcək.
CƏDVƏL
23–26 mart
Müddət: 1,5 saat
Yaş: 5-16
Biletin qiyməti - 170 manat
Biletlərin əldə olunması üçün əlaqə: +994 50 716-57-87 (WhatsApp)
Keçirilmə yeri: Imza (Elmlər m.)
