Bakıda və ətraf qəsəbələrdə sürətli şəhərətrafı elektrik qatarlarının şəbəkəsinin yaradılması planlaşdırılır. Bu layihə 2030-cu ilə qədər nəzərdə tutulan dövlət proqramı çərçivəsində həyata keçiriləcək və faktiki olaraq “yerüstü metro” rolunu oynayacaq.
Qatarların hər 15–20 dəqiqədən bir hərəkət etməsi planlaşdırılır ki, bu da sakinlər üçün rahat nəqliyyat alternativi yaradacaq.
Layihə çərçivəsində üç əsas xəttin bərpası nəzərdə tutulur:
* Bakıxanov — Binə — Qala
* Zabrat — Maştağa — Buzovna
* Yeni Suraxanı — Hövsan
Bundan əlavə, 25 yeni stansiyanın tikintisi planlaşdırılır və ümumi stansiya sayı 39-a çatacaq. Hazırda “Dərnəgül” stansiyasının tikintisi davam edir, həmçinin ətraf ərazilərdə yeni dayanacaqlar yaradılacaq.
Layihənin mərhələli şəkildə 2026–2030-cu illərdə həyata keçirilməsi planlaşdırılır.
