2026-cı il məzunları artıq diplom, attestat və digər təhsil sənədlərinə my.gov.az portalı vasitəsilə rəqəmsal şəkildə çıxış əldə edə bilirlər.
Sənədlər “Təhsil” → “Elektron təhsil sənədlərim” bölməsində yerləşdirilib və təhsil müəssisələrinin elektron imzası ilə təsdiqlənib.
Sənədin həqiqiliyini QR-kodu skan edərək və ya edu.gov.az saytındakı “Sənəd yoxlama” xidməti vasitəsilə yoxlamaq mümkündür.
Yaxın günlərdə bu xidmətin mygov mobil tətbiqində də istifadəyə verilməsi planlaşdırılır. Platformada əvvəlki illərin məzunlarına aid diplomlar da artıq mövcuddur.
