Bakıda tam avtomatlaşdırılmış ilk AI-kofe evi - RoboCafe açılıb. Yeni texnoloji məkan Crescent Mallda yerləşir.
RoboCafedə içkilərin hazırlanması prosesini tamamilə sənaye robotu KUKA KR Agilus süni intellekt sistemi vasitəsilə həyata keçirir. Ziyarətçilər sifarişi interfeys vasitəsilə verə, içki və hətta təqdimat üçün rəsmi seçə bilirlər, bundan sonra robot avtomatik olaraq kofeni hazırlayır və diqqətlə təqdim edir.
Sistem bütün mərhələləri - tərkib hissələrinin dozalanmasından təqdimata qədər - nəzarətdə saxlayır ki, bu da sabit keyfiyyət və yüksək gigiyena səviyyəsini təmin edir.
Əlavə olaraq, qonaqları humanoid robot Pepper qarşılayır, interaktiv atmosfer yaradır və robot-şou elementlərini nümayiş etdirir.
Layihə JFB Tech və Bakurobotics şirkətləri tərəfindən reallaşdırılıb. Bu, süni intellekt texnologiyalarının gündəlik şəhər həyatının bir hissəsinə çevrilməsinin ilk nümunələrindən biridir.
